Ерөнхий сайдаас өгсөн чиглэлийн дагуу УОК өнөөдөр 11.00 цагт цаг үеийн асуудлаар хуралдсан. Хурлаас гарсан шийдвэрийг танилцуулж байна. 

Шадар сайд С.Амарсайхан "УОК-ын өнөөдрийн хурлаар хэд хэдэн асуудлыг ярилцаж шийдвэрлэлээ.

• Шинэ хувилбар бүртгэгдсэн улс орнуудаас зорчин ирж байгаа, дамжин өнгөрсөн гадаадын иргэдийг хүлээн авахгүй байх.

• Тэдгээр улс орнуудад зорчсон, дамжин өнгөрсөн, халдвар өндөртэй эрсдэлтэй бүсээр аялсан зорчсон Монгол Улсын иргэдийг хүлээн авах бөгөөд  өөрсдийнх нь зардлаар 10 хоног тусгаарлалтад байлгах.

• Өнөөдөр манай улсын 200 гаруй энхийг сахиулагчид эх орондоо иж байгаа. Хэдийгээр тухайн улсад халдвар бүртгэгдээгүй, бүгд шинжилгээгээ өгсөн ч 10 хоног Цэргийн амралтад тусгаарлана.

• Нисэх онгоцны буудал, авто замын боомт, хилийн шалган нэвтрүүлэх, хил хяналтын орчимд иргэд зорчигчдоос шинжилгээ бүрэн авна

Мөн гадагшаа онцын шаардлагагүй бол аялахгүй байх. Хэрэв шинэ хувилбар бүртгэгдсэн улсад аялсан тохиолдолд эх орондоо ирэхэд нь 10 хоног тусгаарлана" гэж мэдээллээ. 

Г.Мичид