Чингэлтэй дүүргийн Эрүүгийн хэргийн анхан шатны шүүхээс Э.Бат-Үүлд дөрвөн жил хорих, түүний хүү Б.Чулуудайг 15 сая төгрөгөөр торгох, ТОСК-ын захирал асан А.Гантулгад таван жил хорих ял тус тус оноосон. Шүүх хурлын дараа түүний хүү Б.Чулуудай байр сууриа илэрхийллээ. 

Б.Чулуудай "Өнөөдөр аавыг минь хилс хэрэгт гүтгэлээ. Хийгээгүй, оролцоогүй, өөрөө ч мэдээгүй хэрэгт Нийслэлийн удирдлагууд нэхэмжлэх гаргасны төлөө яллаа.Бид хоёрыг анх цуг ялласан. Гэхдээ шүүхээс миний хэргийг хэрэгсэхгүй болгосон.Аавынхаа төлөө тэмцэнэ. Үнэхээр шударга бус байна. Бид хуулийн дагуу давж заалдана. Миний аав 30 гаруй жил энэ улс орны төлөө тэмцсэн.

Аав минь хэвлэлд үг дамжуулж “Хэрэг хохирол хоёрыг над дээр зохиолоо. Шударга ёсны төлөө тэмцэнэ. Шүүхийн хараат бус байдлын төлөө тэмцэнэ. Гэр хорооллынхоо төлөө тэмцэнэ. Би улс төр хийж байх хугацаандаа хэнийг ч гүтгэж, гутаан доромжилж байгаагүй. Монголын Ардчилал ялна” гэж хэлүүллээ" гэж мэдээллээ. 

М.Насан