О.Батбаяр: Дельта болон Омикрон хувилбараар зэрэг өвдсөн тохиолдлууд бүртгэгдэж байна

ЭМЯ-наас коронавирус халдварын нөхцөл байдал бусад цаг үеийн асуудлаар мэдээлэл хийж байна.
Эрүүл мэндийн сайдын зөвлөх О.Батбаяр “ДЭМБ-аас арванхоёрдугаар сарын 14-нд мэдээлэл хийсэн. Омикрон хувилбар өнөөдрийн байдлаар 86 оронд бүртгэгдээд байна. Омикрон хувилбарын халдварлах түвшин өмнө хувилбаруудаас хамгийн өндөр байгааг онцолсон. ДЭМБ-аас урд орнууд эрүүл мэндийн салбарын бэлэн байдлаа хангахыг уриалсан бөгөөд нэг жилийн өмнөхтэй харьцуулахад эрүүл мэндийн салбарууд суларсан, хүний нөөц сульдаж ядарсан байгаа нь байдлыг хүндрүүлж байгааг анхаарууллаа. ДЭМБ-аас вакцины бүүстэр тунг эсэргүүцэхгүй байгаагаа илэрхийлсэн бөгөөд вакцины тэгш хүртээмжтэй байдал чухал гэдгийг мэдэгдлээрээ онцоллоо.
Манай омикрон хувилбарыг анхааралтай ажиглаж, бэлтгэлээ базааж байна. Их Британи улсад өнгөрсөн долоо хоногт эхний нас баралт бүртгэгдсэн. Тус улсад тохиолдлын тоо эрс нэмэгдсэн бөгөөд уржигдар 77 мянган тохиолдол бүртгэгдэж байсан бол өчигдөр 86 мянгад хүрлээ. Долоо хоногт нь харьцуулж үзвэл тохиолдлын тоо 74 хувиар өсөөд байгаа.
Их Британи улсын Засгийн газар тохиолдлын тоо,орны ачаалал нэмэгдэж нас баралт 75 мянгад хүрэх эрсдэлтэй байна гэдгийг тооцоолсон.
1-2 сарын дараа дэлхийн дийлэнх орнууд “Дельта болон Омикрон" хувилбар зэрэгцсэн давлагаанд өртөх эрсдэл үүсээд байгаа бөгөөд дээрх хоёр хувилбараар зэрэг халдвар авч өвдөж байгаа тохиолдлууд бүртгэгдэж байна.
Омикрон хувилбар цагаан мөгөөрсөн хоолойн салстад Дельта хувилбараас 70 дахин хуваагдан олширч байгааг нотолсон бөгөөд халдвар чадвар өндөр байгаагаас уушгины эд эс нэвтрэхээс өмнө амьсгалын дээд замын салстад нэвтэрч олшрон үрэвсэл үүсгэж байгаа судалгаа гарсан. Ийм шалтгаанаар Омикрон хувилбарын голлон бүртгэгдэж байгаа таван шинж тэмдэг амьсгалын дээд замтай холбоотой. Шинж тэмдэг,
Нус гоожих
Хоолой өвдөх
Найтаах
Ханиах
Цагаан мөгөөрсөн хоолойн үрэвслийн шинж тэмдэг давамгайлж байна. Мөн ядарч цуцах толгой өвдөх гэсэн шинж тэмдэг илэрч байгаа.
Танд томуу төстэй ийм шинж тэмдэг илэрч байвал томуу гэхээсээ илүү омикрон хувилбарын шинж тэмдэг гэдгийг улс орнууд иргэддээ анхааруулж байна.
Омикрон хувилбарын нууц хугацаа богиноссон бөгөөд халдвар авснаа мэдэхгүйгээр олон хүнд халдвар тараах эрсдэлтэй. Тиймээс улс орнууд зул сарын хүлээн авалтыг хориглосон.
Вирусийн халдварыг өвчтөн шинж тэмдэг илрэхээс өмнө бусдад тараадаг. Шинж тэмдэг хүнд, үхэл өндөртэй вирусийн хувьд өвчтөн хурдан нас барснаас олон хүнд халдвар тарааж амждаггүй.
Харин нууц үе богино хувилбарын үед гадуур их явж олон хүнд халдвар тараадаг. Омикроны хувьд ийм эрсдэл их байна" гэж мэдээллээ.
Г.Мичид
СЭТГЭГДЭЛ БИЧИХ