Оросын Ерөнхийлөгч Владимир Путин 12 дугаар сарын 23-ны өдөр ээлжит хэвлэлийн бага хурлаа зохион байгуулсан юм. Тэрбээр жил бүр өргөн цар хүрээтэй хэвлэлийн бага хурал зохион байгуулдаг уламжлалтай бөгөөд 17 дахь удаагийн хуралд 500 орчим сэтгүүлч Оросын өнцөг булан бүрээсэн ирж оролцсон.

Тэд хэвлэлийн бага хурлын үеэр Ерөнхийлөгчид бүс нутгийнхаа асуудлуудыг дуулгаж байлаа. Харин эдгээр сэтгүүлчдийн хөндсөн асуудлуудыг шийдвэрлэхийг Владимир Путин ОХУ-ын Ерөнхий сайд Михаил Мишустинд үүрэг болгожээ.

Түүнчлэн үндэсний төслүүдийн төлөвлөгөөнүүдийг ойрын гурван жилийн хугацаанд хэрэгжүүлнэ гэж мэдэгдсэн байна. "Та бүхэнд нэмэлт хүнд ачаа ирж байгааг харж, ойлгож байна. Та бүхэн үүнийг чадна, мэргэжлийн сайн баг шиг нягт хамтран ажиллаарай" хэмээн Владимир Путин сайд нарын танхимын гишүүдтэй уулзахдаа мэдэгдсэн байна.

Энд дуулгахад, пүрэв гаригт болсон хэвлэлийн бага хурал 3 цаг 55 минут үргэлжилж, Путин 55 асуултад хариулжээ.

Г.Бямбасүрэн