УИХ-ын чуулганы өнөөдрийн нэгдсэн хуралдааны ирц бүрдэхгүй, товлосон хугацаанаас багагүй цагаар хоцорч эхэллээ. Энэ байдал УИХ-ын гишүүн Н.Алтанхуягийн бухимдлыг төрүүллээ. Тэрбээр “УИХ унтаа байдлаасаа гараач ээ, нойрноосоо сэрээч ээ, МАН-ынхаан. Ирц хүрэхгүй 40 минут хүлээлээ” хэмээн бухимдал илэрхийллээ.

Өнөөдрийн хуралдаанаар сурагчдын сурлагын хоцрогдлыг арилгах, нөхөх талаар БШУ-ны сайд Л.Энх-Амгалангийн мэдээллийг сонсч буй. Харин Н.Алтанхуяг гишүүн хэлэлцэж буй асуудлыг цагаа олоогүй хэмээн шүүмжилж байна. Тэрбээр УИХ-ын чуулганы хуралдаанаар хэлэлцэх гэж хэдэнтээ хойшилсон сурлагын хоцрогдлын асуудал өнөөдөр ярих сэдэв биш. Харин омикрон хувилбарын талаар ярьж, ард иргэдэд анхааруулга, мэдээлэл өгөх ёстой хэмээн үзэж байна.

Мөн тэрбээр сурлагын хоцрогдлоос өмнө УИХ өөрийнхөө хоцрогдлыг арилгах шаардлагатай хэмээн бухимдав.

Б.Хэрлэн