Монголын бурхан шашинтны төв Гандантэгчэнлин хийдийн Гадаад харилцааны албаны лам Э.Баасантогтохоос 33-ны мөчлөг, засал номын талаар тодрууллаа.

Хүмүүс 33-ны мөчлөг засал номонд ихээхэн ач холбогдол өгдөг. 33-ны мөчлөгийн засал номыг заавал хийлгэх ёстой юу?

-33-ны мөчлөг засал номыг хийлгэвэл зүгээр. Учир нь 33-ны мөчлөг дээрээ бэртсэн, ажил үйлс нь бүтэхгүй, гэр бүлээ салгасан зэрэг олон асуудал гардаг. Тиймээс 33-ны мөчлөг заслыг хийлгэх хэрэгтэй. 33-ны мөчлөгийн хамгийн том засал нь ээжийгээ баярлуулах явдал юм. Тухайлбал, сайхан дээл, гутал, малгай, алчуур зэргийг авч өгч бүрэн хувцаслах хэрэгтэй. Мөн ээждээ баярлаж, талархаж явдаг, хайртай зэрэг сэтгэлийн үгээ хэлж сэтгэлийн амар амгаланг эдлүүлж баярлуулбал зохистой. Мөн гандан хийдэд ирж ном уншуулах хэрэгтэй.

Ээжийгээ баярлуулахаас өөр ямар ном уншуулах хэрэгтэй  вэ?

-Ямар ном засал ном хийлгэхээ зурхайч ламаас асууж хийлгэвэл зүгээр. 33-ны жилд сахиус тахиулдаг. Гурван гүрэм, заслын найман ном, цагаан шүхэрт,  Ер нь Монголчууд жил бүр засал ном хийлгэдэг. Тухайн жилд ямар жил орж,  ямар мэнгэ эрхшээж, ямар чулууны үр бууж байгааг  Эрэгтэй хүнд амины чулуу голлодог.

Хэрэв 33-ны мөчлөгийн засал ном хийлгэхгүй бол яах вэ?

-33-ны мөчлөгийн заслыг хийлгээгүй хүмүүс бий. Гэхдээ 33-ны мөчлөгийн засал номоо хийлгээгүй бол алсаараа  ажил үйлс нь бүтэхээ больж, эрүүл мэнд нь доройтож, сэтгэл санааны хямралд өртөх гээд байдаг. Яагаад ингэж хэлж байна вэ гэвэл хүмүүсийг ирээд ямар нэгэн зүйл асуухад “Та энэ жилийн засал номоо хийлгэсэн үү” гэж заавал асуудаг. Ихэнх сайн бус зүйл тохиолдсон хүмүүс ерөөс засал ном хийлгэдэггүй эсвэл тухайн жилийнхээ засал номыг хийлгээгүй орхигдуулсан байдаг.

Засал ном хийлгэнэ гэдэг нь  учирч болзошгүй аюулаас аварч хамгаалдаг. Гэхдээ тухайн хүний өөрийн сүсиг биширлээс шалтгаална.

М.Насан