Оросын уран гулгалтын шигшээ багийнхан хоёрдугаар сарын долооны өдөр багийн тэмцээн дээр ялалт байгуулжээ. Ингэснээр Оросын шигшээ баг медалийн чансаагаар тэргүүлж эхэлсэн байна.

Тодруулбал, хоёрдугаар сарын долооны даваа гаригт Оросын уран гулгалтын шигшээ баг багийн тэмцээнд  алтан медаль хүртлээ. Ингэснээр багийн төрөлд Оросын шигшээ нэгдүгээр байранд орсон бол АНУ-ын баг хоёрдугаарт, харин Японы тамирчид гуравдугаар байранд орсон байна.

Ийнхүү уран гулгалтын багийнхан алтан медаль хүртсэнээр Оросын тамирчид нийт хоёр алт, хоёр мөнгө, хоёр хүрэл медальтайгаар олимпыг үргэлжлүүлж байна. Оросын багийн анхны алтан медалийг скиатлоны төрөлд цаначин Александр Большунов авчирсан юм. 

Медалийн чансаагаар тэргүүлж байсан Норвегийн баг одоо хоёрдугаарт бичигдэж байгаа бол хоёр алтан медальтай Шведийн баг гуравдугаар байранд жагсаж байна. 

Г.Бямбасүрэн