Эрхүүгийн нисэх буудлын гаалийн албаны байцаагчид Монголын хоёр иргэнээс хууль бусаар хил давуулах гэж байсан мөнгийг хураасан талаар Регнум агентлаг мэдээлжээ. 

Эх сурвалжийн мэдээлснээр, Улаанбаатар-Эрхүү чиглэлийн хоёр өөр нислэгээр ирсэн Монголын иргэн зохих ёсоор гаалийн мэдүүлэгт мөнгөн дүнгээ бичээгүйн улмаас ийнхүү хураалгасан байна. Хуулийн дагуу 10 мянган доллараас дээш бэлэн мөнгөтэй яваа бол энэ талаар гаалийн мэдүүлэгт бичих ёстой ч Монголын иргэд бичээгүй байсан гэнэ. 

Монголын нэг иргэнээс гаалийн байцаагчид 19,8 мянган доллар, нөгөө иргэнээс нэг сая гаруй рублийг илрүүлсэн байна. Зөвшөөрөгдсөн дээд хэмжээнээс илүү гарсан валютыг хураасан бөгөөд шүүхийн шийдвэрийн дагуу улсын орлого болгох аж. 

Г.Бямбасүрэн