Берлин дэх Украины Элчин сайдын яамны ажилтнууд танк, шумбагч онгоц, байлдааны онгоц зэрэг нэмэлт зэвсэглэл олгох хүсэлтийг ХБНГУ-д гаргажээ. Тэд энэ хүсэлтээ Германы канцлер Олаф Шольц, Гадаад хэргийн яам болон Батлан хамгаалах яаманд хүргүүлсэн талаар DW агентлаг мэдээлсэн байна. 

Эх сурвалжийн мэдээлснээр, танк, шумбагч онгоц, байлдааны онгоцноос гадна хуягт тээвэрлэгч, артиллерийн систем, зенит пуужингийн комплекс, байлдааны болон туслах нисдэг тэргүүд, тагнуулын болон байлдааны дрон, тээврийн онгоц хүссэн гэнэ.

Эдгээр техникүүд нь Украины Зэвсэгт хүчинд нэн яаралтай шаардлагатай байгаа тул "аль болох богино хугацаанд" нэмэлт зэвсэг нийлүүлэх талаар шийдвэрлэж өгөхийг хүсчээ.

Г.Бямбасүрэн