Нийслэлийн орны ачааллын мэдээллийг хүргэж байна. 

Өнөөдрийн байдлаар Нийслэлийн харьяа эмнэлгүүдийн үндсэн тусламж үйлчилгээний нийт орны ачаалал 2363 орон дээр 2409 үйчлүүлэгч хэвтэн эмчлүүлж, орны дүүргэлт 101.9%-тай байгаа нь өмнөх 7 хоногийн мөн үеэс 13.2%-иар нэмэгджээ.

Харин хүүхдийн орны ачаалал 97.4% буюу 1435 орон дээр 1398 хүүхэд эмчлүүлж байгаа нь өмнөх 7 хоногийн мөн үеэс 10.7%-иар нэмэгдсэн байна. Нийслэлийн хэмжээнд хүүхдийн тусламж, үйлчилгээний 580 орыг нэмэлтээр дэлгэн ажиллуулж, ТТТӨ-ний орны нэгдсэн төлөвлөлтийн III үе шатны дагуу зарим дүүргийн хүүхдийн тусламж, үйлчилгээг ЭМЯ-ны харьяа эмнэлгүүдэд үзүүлж байна. Тухайлбал,

• Улсын хоёрдугаар төв эмнэлэгт БЗД-ийн 8, 13, 14, 16, 23 дугаар хороо, /ор дүүрсэн байгаа/,

•  ЭНЭҮТ-II-д ХУД-ийн 9, 10, 12, 14, 16, 21 дүгээр хороо, СХД-ийн 1, 2, 3, 20, 22, 32, 34 дүгээр хороо, БЗД-ийн 8, 13, 14, 16, 23 дугаар хороо, ЧД-ийн 7,8,9-р хороо,

• ТТАХНЭ-т ЧД-ийн 1-6 дугаар хорооны хүүхдийн хэвтүүлэн эмчлэх тусламж, үйлчилгээг үзүүлэн ажиллаж байгаа боловч ачаалал буурахгүй хэвээр байна.

Шинээр хэвтсэн үйлчлүүлэгчдийн 58.3%-ийг ТТТӨ эзэлж байгаа нь өмнөх 7 хоногийн мөн үеэс 6%-иар буурсан буюу хүүхдийн өвчлөлийн бүтцийн хувьд уушгины хатгалгаа, гуурсан хоолойн бөглөршилт үрэвсэл, суулгалт өвчин зонхилж байгаа аж. 

Эх сурвалж: Нийслэлийн эрүүл мэндийн газар