Украины Луцк хотын нисэх буудал орчимд дэлбэрэлт сонсогдож байгаа талаар тус хотын дарга Игорь Полищук мэдээлснийг УНИАН дамжуулжээ. 

"Нисэх буудлын чиглэлд дэлбэрэлт болж байна. Бүгд нуувчиндаа!" хэмээн Полищук Фейсбүүк хуудсандаа бичжээ. Түүнчлэн Днепр рүү ч Оросын цэргүүд халдаж байгаа талаарх мэдээлэл гарсан байна.

Днепр мужийн эрх баригчдын мэдээлснээр, Оросын цэргүүд Днепрт гурвантаа агаараас цохилт өгсний улмаас нэг хүн амиа алджээ. Тодруулбал, Днепр хотод баасан гарагийн өглөө агаараас гурвантаа цохилт өгсний нэг нь хүүхдийн цэцэрлэг, олон давхар орон сууцны хажууд, нөгөө нь гутлын үйлдвэрийг онож, гал гарсан байна.

Г.Бямбасүрэн