Оросын Онцгой байдлын яамны албан ёсны сайтыг цахим халдлагад өртжээ. Энэ сайтын нүүр хуудсан дээр Украин дахь Оросын цэргийн ажиллагааг шүүмжилсэн материал байршиж байсан бол одоо өөрчлөгдсөн байна. 

"Сайт түр хугацаанд ажиллахгүй байгаа тул хүлцэл өчье. Техникийн ажил явагдаж байна" гэсэн бичиг сайтын нүүр хуудсан дээр гарч ирж байгаа аж. 

Энэ нь Оросын төрийн байгууллагуудын сайт руу халдсан анхны тохиолдол биш юм. Оросын цэргүүд Украин руу халдсанаас хойш ОХУ-ын Соёлын яам, Хэрэглэгчийн хяналтын газар зэрэг олон төрийн байгууллага цахим халдлагад өртөж байв. Мөн ТАСС, Форбс, Известия зэрэг Оросын хэвлэл мэдээллийн байгууллагуудын сайтыг ч хакердаж байсан бөгөөд үүний хариуцлагыг  Anonymous бүлэглэл өөр дээрээ хүлээж байв. Энэ бүлэглэл Оросын цэргүүд Украин руу орсны дараахан Оросын Засгийн газарт цахим дайн зарлаж байгаагаа мэдэгдэж байсан юм.

Г.Бямбасүрэн