Москва хотын оршин суугч эмэгтэйг шар, хөх өнгө хосолсон малгай өмссөн, Украины өнгөтэй зүрхэн чимэглэл зүүсэн хэргээр 30 мянган рублиэр торгожээ. Энэ талаар эрхзүйн тусламж үзүүлэх "Сетевые свободы" төслийнхөн мэдээлснийг ВВС дамжуулсан байна. 

Хэргийн материалд эмэгтэйг "ОХУ-ын Зэвсэгт хүчинд таагүй хандаж байгааг ил тодоор илэрхийлэх, Украины далбааны өнгө бүхий хувцас, тэмдгийг олон нийтийн газарт харуулж, хэвлэл мэдээлэл болон блогчдын анхаарлыг татсан" хэмээн бичсэн байсан гэнэ.

Энд дуулгахад, Орос улс дайн эхэлснээс хойш дайныг эсэргүүцсэн аливаа арга хэмжээнд нэгдсэн хүмүүсийг баривчлан саатуулах, торгох арга хэмжээ авсаар байгаа юм. "ОВД-Инфо" хүний эрхийг хамгаалах төслийнхний мэдээлснээр хоёрдугаар сарын 24-ний өдрөөс хойш Оросын дайныг эсэргүүцсэн жагсаалд оролцсон 14 980 хүн саатуулагдсан байна.

Г.Бямбасүрэн