Хоёрдугаар сарын 24-нд Орос Украин руу "тусгай цэргийн ажиллагаа " нэрийн дор довтолж эхэлсэн. Тэр үеэс хойш талууд хэдэнтээ хэлэлцээ хийсэн ч дорвитой үр дүнд хүрээгүй, байлдааны ажиллагаа үргэлжилж байна. 

Энэ хугацаанд украинчууд орон гэрээ орхин дүрвэж байгаа бол хүүхдүүд дайны хөлд үрэгдсээр байгаа юм. Хоёрдугаар сарын 24-нөөс гуравдугаар сарын 22-ны хооронд дайны улмаас амиа алдсан хүүхдийн тоо 117-д хүрчээ. Энэ талаар Украины Дээд радын хүний эрхийн зөвлөлийн гишүүн Людмила Денисова мэдэгдсэн байна. 

Түүний өгүүлснээр, 155 хүүхэд шархадсан гэнэ. Энэ мэдээллийг мөрдөн шалгалтын бүртгэлээс авсан гэх бөгөөд бодит байдал дээр энэ тоо үүнээс ч их байж болзошгүйг Людмила Денисова онцолжээ. 

Г.Бямбасүрэн