• 2022-03-31

Уилл Смитийг академиас хасаж болзошгүй

img

АНУ-ын Кино урлагийн академи жүжигчин Уилл Смиттэй холбоотойгоор сахилгын хэрэг үүсгэн шалгаж эхэлжээ. Энэ талаар Variety мэдээлсэн байна.

 

"Смитийн үйлдэл цочролд ормоор, таагүй үйл явдал болсон" хэмээн академи мэдэгджээ. Жүжигчинтэй холбоотой сахилгын арга хэмжээний шийдвэрийг дөрөвдүгээр сарын 18-ны өдөр болох академийн хурал дээр гаргах юм байна. Уилл Смитийн академийн гишүүнчлэлийг түр зогсоох эсвэл цуцлах, өөр шийтгэл оноож магадгүй талаар эх сурвалж мэдээлжээ. 

 

Эргэн сануулахад, Оскар гардуулах үеэр хөтлөгч Крис Рок Уилл Смитийн эхнэртэй холбоотой таагүй хошигнол хэлсэн юм. Уилл Смитийн эхнэр хүнд өвчний улмаас үс нь унаж, улмаар хусуулсан бөгөөд түүний энэ байдлыг харсан хөтлөгч халзан толгойтой нь холбоотойгоор хошигносонд Уилл Смит бухимдаж, тайзан дээр гаран Крис Рокийг алгадаж байв.

 

Энэ явдлын дараа хөтлөгч Крис Рок Уилл Смитийн эсрэг цагдаад гомдол гаргахаас татгалзсан бол Уилл Смит олон нийтийн сүлжээгээр дамжуулан Рокоос уучлалт гуйсан юм.

 

Уилл Смит: Намайг уучлаарай, Крис, биеэ барьж чадсангүй

Г.Бямбасүрэн

СЭТГЭГДЭЛ БИЧИХ

Онцгүй буруу үйлдэл хийсэн. Тэр зааланд байгаа хэдэн зуун жүжигчдээ дэлхий нийтээр шимтэн үздэг үйл ажиллагааны үeэр тэгж улаан цагаан хүчириийлэл хийсэн нь гутамшиг. Уучлиж болохгүй. Хамгийн муухай нь хамт байсан хүмүүс нь өөрийн мэдэлгүй хам хэрэгтэн хүчирхийллийг дэмжигч мэт болсон нь ёстой муухай мэдрэмж шүү Дотор муухайрсан
2022-03-31
зочин:
угаасаа л алгаддаг шдээ.. Xэдэн жилийн өмнө улаан хивсний ёслол дээр бас украин нөхрийг алгадаж байсан.
2022-03-31
" Нэр хугарахаар яс хугар " гэдэг үгийн агуулга ямар гүнзгий юм бэ! Нэг нь эхнэрийнхээ нэрийг хугалсныг нөгөө нь тэрний хацарыг өвтгөжээ, 2 уул дэлхийн өмнө. Нэрээ хугалуулсан нь буруутай гэж үү!!! аан? Үгээр хүүхдийн сэтгэлийг гэмтээдэг багш, үйлдлээр гары нь шалбалсан багш 2 ын аль нь илүү гэмтэй вэ?
2022-03-31