Турк улс Украин дахь иргэдээ тэнгисийн замаар нүүлгэн шилжүүлэхээр төлөвлөж байгаа талаар тус улсын Үндэсний батлан хамгаалахын сайд Хулуси Акар мэдэгджээ. 

Акарын өгүүлснээр, ойрын өдрүүдэд нүүлгэн шилжүүлэх ажлыг зохион байгуулах аж. "Бид энгийн иргэдийг тэр дундаа Украинд хүндрэлтэй тулгарч буй Туркийн иргэдийг нүүлгэн шилжүүлэхийн тулд бүхий л хүчин чармайлтаа гаргаж байна" хэмээн тэрбээр мэдэгджээ. 

Энд дуулгахад, Турк улс Мариуполь хотоос энгийн иргэд болон шархадсан хүмүүсийг тэнгисийн замаар нүүлгэн шилжүүлэхийн тулд хөлөг онгоц гарган өгөхөд бэлэн хэмээн мэдэгдэж байлаа. Туркийн Батлан хамгаалахын сайд тэнгисээр иргэдийг нүүлгэн шилжүүлэх, хүмүүнлэгийн тусламж нийлүүлэх асуудлаар Орос, Украины төлөөлөгчидтэй шууд харилцаж байгаагаа мэдэгдээд байлдааны ажиллагааг зогсоохыг уриалж байв. 

Г.Бямбасүрэн