АНУ гуравдугаар сарын дундуур, дуунаас хэт хурдан пуужингийн туршилтыг Оростой харилцах харилцаан дахь хурцадмал байдлаа улам нэмэгдүүлэхгүйн тулд нууцаар хийсэн гэнэ. Энэ талаар Пентагоноос авсанх эх сурвалжтайгаар CNN агентлаг мэдээлжээ.

Эх сурвалжийн мэдээлснээр "Дуунаас хэт хурдан агаарын тийрэлтэт зэвсгийн концепци"-ийн хүрээнд боловсруулж буй дуунаас хэт хурдан пуужинг гуравдугаар сарын дундуур амжилттай туршсан байна. Пуужинг Номхон далай дээрээс В-52 стратегийн бөмбөгдөгчөөс харвасан бөгөөд пуужин 19 мянган метрийн өндөрт, 480 км зам туулах явцдаа хамгийн дээд хурд нь дууны хурднаас тав дахин илүү байсан гэнэ.

"АНУ Вашингтон, Москвагийн хооронд байдал хурцдах нөхцөлийг үүсгэж мэдэх аливаа алхам, мэдэгдэл хийхгүй байхын тулд нэн болгоомжтой хандаж байгаа" гэж CNN агентлаг мэдээлжээ.

Г.Бямбасүрэн