Коронавирусийн ВА.2 штамм буюу стелс-омикрон  хувилбар Орост шинээр илэрч буй халдваруудын дийлэнх тохиолдлыг эзэлж байгаа гэнэ. Энэ талаар Оросын хэрэглэгчийн хяналтын газрын генийн инженерчлэл, биотехнологийн хүрээлэн мэдэгдсэнийг ТАСС агентлаг дамжуулжээ. 

Эх сурвалжийн мэдээлснээр, стелс-омикроны эзлэх хувь нэмэгдэж, одоо шинээр бүртгэгдэж буй нийт тохиолдлын 80 хувийг энэ штамм эзэлж байгаа гэнэ. Үүний дараа ВА.1 штамм буюу омикрон хувилбар ихээхэн тархаж байгаа бөгөөд шинээр илэрч буй халдварын тохиолдлын 12 хувь нь омикрон хувилбараар үүсгэгдсэн байгаа аж. 

Энд дуулгахад, Орос, Хятадад стелс-омикрон хувилбар хурдацтай тархаж байгаа талаарх мэдээлэл гарсаар байгаа юм. Түүнчлэн Хятадад коронавирусийн халдвар голомтлон дэгдэж байгаа бөгөөд омикроны шинэ хувилбар илэрсэн талаарх мэдээлэл гарч байлаа. Одоогоор энэ хувилбарын талаарх тодорхой мэдээлэл гараагүй, эрдэмтэд судалж байгаа гэж Жэнминь жибао сонин мэдээлжээ.

Г.Бямбасүрэн