Шведийн Упсала хотод Украиныг дэмжсэн тоглолт болохоор төлөвлөгджээ. Энэ тоглолтын гол хэсэг нь орон нутгийн сонирхогчдын найрал хөгжмийн Sоdra bergens balalaikor хамтлагийн үзүүлбэр байсан бөгөөд тэд Оросын балалайка хөгжмөөр тоглох ёстой байсан гэнэ. 

Харин үүнд хотын нэгэн оршин суугч дургүйцэж, улмаар арга хэмжээг зохион байгуулагчид олон гомдол хүлээн авсны улмаас тоглолтыг цуцлахаас аргагүй болсон гэнэ. Оршин суугчдын гомдолд "Балалайка бол Оросын бэлгэ тэмдэг, энэ хөгжмөөр тоглож Украиныг дэмжих нь доромжлол" хэмээсэн байна. Өөр нэг захидалд балалайка хөгжмийг нацистын хас тэмдэгтэй зүйрлэсэн талаар КП агентлаг мэдээлжээ. 

Тоглолтыг зохион байгуулагчид болон хөгжимчид иргэдээс ирсэн гомдлыг гайхширч хүлээн авсан ч өдөөн хатгалга гарахаас сэргийлж тоглолтыг цуцлахаас аргагүй болсон байна. 

Sоdra bergens balalaikor найрал хөгжим нь 1969 оноос эхлэн уран бүтээл туурвиж байгаа бөгөөд энэ найрал хөгжимд багтдаг 20 гаруй хөгжимчин Швед, Орос, Украин болон бусад орнуудын ардын хөгжмийг тоглодог аж. 

Г.Бямбасүрэн