ОХУ тавдугаар сарын есний өдөр Украинд албан ёсоор дайн зарлаж, бүх нийтийн дайчилгаа зарлаж болзошгүй гэсэн мэдээлэл барууны хэвлэлүүдээр гарч байсан. Харин энэ мэдээллийг Кремлийн албан ёсны төлөөлөгч Дмитрий Песков няцаажээ. 

"Энэ бол худал, утгагүй зүйл" хэмээн Путиний хэвлэлийн нарийн бичгийн дарга Дмитрий Песков мэдэгдээд, ийм мэдээлэлд итгэх хэрэггүй хэмээн мэдэгдсэн байна. 

Энд дуулгахад, 2022 он гарснаас хойш барууны хэвлэлүүдээр "ОХУ Украин руу довтлохоор зэхэж байна" гэсэн мэдээлэл эрчимтэй гарч эхлэх үед ОХУ үүнийг няцааж, Дмитрий Песков мөн л "утгагүй зүйл" хэмээн нэрлэж байлаа. Гэсэн ч хоёрдугаар сарын 24-ний өдөр Путиний тушаалаар Оросын арми Украин руу довтолсон юм.

Г.Бямбасүрэн