Орост бүх нийтийн дайчилгаа зарлахгүй, мөн ОХУ түрүүлж цөмийн цохилт өгөхгүй, гагцхүү хариу цохилт өгөх боломжтой гэж Төрийн Думын дарга Вячеслав Володин КП агентлагийн радиод өгсөн ярилцлагадаа онцолжээ.

"ОХУ-ын тухайд, бидэн рүү чиглэсэн цохилт ирсэн нөхцөлд л бид хариу цохилт өгөх боломжтой. Батлан хамгаалах зорилгоор цохилт өгнө гэсэн үг. Өөрөөр хэлбэл бидэн рүү халдвал бид хариу өгнө" хэмээн Володин цохон тэмдэглэслэн байна.

Энд дуулгахад, ОХУ-ын Ерөнхийлөгч Владимир Путин тавдугаар сарын есний өдөр Украинд албан ёсоор дайн зарлаж болзошгүй гэх мэдээллийг АНУ болон барууны орнуудын албан тушаалтнуудаас авсан эх сурвалжтайгаар CNN агентлаг мэдээлж байв. Ийнхүү дайн зарласнаар Путин улс орондоо бүх нийтийн дайчилгаа зарлах боломжтой болно гэж мэдээлэлд онцолж байлаа. Харин үүний хариуд ОХУ-ын Ерөнхийлөгчийн хэвлэлийн нарийн бичгийн дарга Дмитрий Песков энэ мэдээллийг "утгагүй зүйл" хэмээсэн юм. 

Г.Бямбасүрэн