Дугуй цагаан орчмын шавар гэрүүдийг буулгасан асуудлаар эзэмшигч жуулчны баазаас нь мэдээлэл хийлээ.

Богд хан амралтын газрын эзэмшигчдийн төлөөлөл “Богдхан амралтын газар 2003 оноос хойш тогтвортой үйл ажиллагаагаа явуулж ирсэн. Маш их хөрөнгө оруулалтыг хийсэн. Маш олон иргэдийн амь амьдралыг тэжээж байгаа газар. Хууль ёсны дагуу аялал жуулчлалын зориулалтаар үйл ажиллагаа явуулж байсан сүүлийн газар. Бид хууль ёсны дагуу ажиллаж, тохижилт үйлчилгээгээ хийж ирсэн.

Гэтэл тавдугаар сарын 30-ны өдөр нийслэлийн Засаг даргын захирамжийн дагуу хүч түрэн манай байгууллагын эд хөрөнгийг эвдэж сүйтгэсэн. Тодруулбал, тухайн өдөр нийт 54 ширхэг гэр хэлбэртэй битонон тоосгон барилгыг доторх тавилгын хамт, хоёр ресторан, үйлчилгээний барилга,  хураалттай бараа материал зэрэг их хэмжээний эд хөрөнгийг санаатай нураасан. Нийслэлийн захирагчийн албанаас манай байгууллагад урьдчилж мэдээлэл өгөөгүй. Тиймээс хуулийн байгууллагад гомдол гаргана" гэж мэдээллээ. 

М.Насан