Украины дайны үеэр амиа алдсан Оросын цэргүүдийн тоо 20 мянгад хүрсэн байж болзошгүй гэж Барууны тагнуулын өндөр албан тушаалтан ВВС агентлагт ярьжээ. 

Долоо хоногийн өмнө Оросын хохирлыг 15 мянга орчим гэж таамаглаж байлаа. Харин энэ удаад хохирлын тоо нэмэгдэж, 15-20 мянган цэрэг амиа алдсан гэж барууны тагнуулынхан үзэх болсон байна.

ВВС агентлагт мэдээлэл өгөхдөө нэрээ нууцлахыг хүссэн албан тушаалтан дайны үеэр амиа алдсан Украины цэргүүдийн тоог хэлэхээс татгалзсан байна. Гэхдээ Украины Зэвсэгт хүчнийхний дунд 100 гаруй өдөр байлдсаны дараа "эр зориг мохох" байдал гарах болсон хэмээн тэрбээр онцолжээ.

Түүнчлэн, Оросын армийн зарим төрлийн зэр зэвсэг дуусаж байгаа, тэр дундаа далавчит пуужин зэрэг оновчтой цохилт өгөх зэвсэгийн нөөц дуусаж байгаа хэмээн  тагнуулын төлөөлөгч өгүүлсэн байна. 

Г.Бямбасүрэн