ОХУ Украин руу халдсан хоёрдугаар сарын 24-ний өдрөөс зургадугаар сарын 16-ны хооронд Украинд 10 мянга гаруй энгийн иргэн хохирсон гэж НҮБ-ын Хүний эрхийн дээд комиссарын газар мэдэгджээ. 

Тодруулбал, ОХУ Украинд дайн дэгдээснээс хойш  10 094 хүн хохирсноос 4509 нь амиа алдсан байна. Энэ тоо эцэслэсэн тоо биш бөгөөд шалгалтын ажил үргэлжилж байгаа, амиа алдсан хүний тоо цаашид ч нэмэгдэж болзошгүйг  НҮБ онцолжээ. 

НҮБ-ын мэдэгдсэнээр, өргөн цар хүрээг хамрах тэсрэх төхөөрөмж ашигласан, хүнд артиллери, шуурган галын тийрэлтэт систем, пуужин болон агаарын цохилт өгсний улмаас ихэнх хүн амиа алдаж, шархадсан байна.

НҮБ-ын батлагдсан мэдээллээр, Украинд 1 747 эрэгтэй, 1 166 эмэгтэй, 129 хүү, 124 охин амиа алдсан бол 41 хүүхэд, 1302 насанд хүрэгчийн хүйсийг тогтоож чадаагүй аж.

Г.Бямбасүрэн