АНУ-ын Миссури мужид галт тэрэг ачааны машинтай мөргөлдөж, замаасаа гарсан ноцтой осол гарчээ. Энэ талаар АР агентлаг мэдээлсэн байна.

Эх сурвалжийн мэдээлснээр, ослын улмаас галт тэрэгний хоёр зорчигч, ачааны машинд байсан нэг хүн амиа алдаж, 40 хүн эмнэлэгт хүргэгджээ. Галт тэрэг Лос-Анжелес хотоос Чикаго хотыг чиглэн 243 зорчигч, экипажийн 12 гишүүнтэйгээр явж байсан гэнэ.

Улмаар Мендон хотын ойролцоо, орон нутгийн замын уулзвар дээр осол болж, найман вагон замаасаа гарчээ. Тухайн үед ачааны машин төмөр зам дээр байсан шалтгааныг тодруулахаар ажиллаж байгаа гэнэ.

Г.Бямбасүрэн