Японы ерөнхий сайд асан Шинзо Абэ Нара хотод буудуулжээ Түүнийг гадаах цугларалтад үг хэлж байх үед нь цээжин тус газарт нь буудсан гэж NHK агентлаг мэдээлсэн байна. Эх сурвалжийн мэдээлснээр, Ерөнхий сайд асан Ш.Абэгийн биед халдсан этгээдийг саатуулсан, түүний биеийн байдал хүнд байгаа гэнэ.

Шинзо Абэд халдсан этгээд 40 настай эрэгтэй бөгөөд хэрэг үйлдсэн зорилго нь тодорхойгүй байгаа аж. Гэрчүүдийн мэдээлснээр буун дуу хоёронтаа сонсогдсон байна.

Хэргийн дараа Японы Засгийн газар шуурхай штаб байгуулсан бөгөөд Ерөнхий сайд Фумио Кисида сонгуулийн өмнөх кампанит ажлаа  зогсоож, Токиог зорьжээ. 

Г.Бямбасүрэн