Оросын Ерөнхийлөгч Владимир Путин Сергеевский полигон дээр очжээ. Энэ талаар Оросын Ерөнхийлөгчийн хэвлэлийн төлөөлөгч Дмитрий Песков мэдэгдсэнийг Интерфакс дамжуулсан байна. 

Путин энэ полигон дээр "Восток-2022" сургуулилалтын төгсгөлийн шатыг ажиглах аж. Түүнчлэн энэ үеэр Батлан хамгаалахын сайд Сергей Шойгу, Зэвсэгт хүчний ерөнхий штабын дарга Валерий Герасимов нартай хаалттай горимоор хэлэлцэх гэнэ. 

Энд дуулгахад, "Восток-2022" цэргийн сургуулилалт есдүгээр сарын нэгэнд эхэлсэн. Оросын дорнод цэргийн тойргийн долоон полигонд есдүгээр сарын долооны өдрийг дуустал үргэлжлэх бөгөөд сургуулилалтад Орос, Хятад, Монгол, Армени зэрэг орнууд оролцож байгаа юм.

Г.Бямбасүрэн