Оросын эрх баригч "Нэгдсэн Орос" намын ерөнхий зөвлөлийн нарийн бичгийн дарга Андрей Турчак Төрийн думын дөрвөн гишүүнээс "тусгай цэргийн ажиллагаанд оролцох хүсэлт" хүлээн авсан гэдгээ Телеграм хуудсандаа бичжээ. 

"Нэгдсэн Орос" намаас сонгогдсон Төрийн думын дөрвөн гишүүн тусгай цэргийн ажиллагааны бүс рүү явах хүсэлт гаргасан, удалгүй Батлан хамгаалах яам хүсэлтийг авч үзнэ. Төрийн думын эрүүл мэндийн хорооны дарга Дмитрий Хубезов, батлан хамгаалахын хорооны орлогч дарга Дмитрий Саблин, эмэгтэйчүүд, гэр бүл, хүүхдүүдийн хорооны орлогч дарга Виталий Милонов, эдийн засгийн бодлогын хорооны орлогч дарга Сергей Сокол нар өргөдлөө өгсөн" хэмээн тэрбээр мэдэгджээ.

ОХУ-ын Ерөнхийлөгч Владимир Путин есдүгээр сарын 21-ний өдөр хэсэгчилсэн дайчилгаа зарлаж, одоо Орос даяар цэргийн үүрэгтнүүдэд зарлан дуудах хуудас өгч, цэргийн цугларалт ид өрнөж байгаа юм. 

Г.Бямбасүрэн