Олон улсын миссийн тэмцээнд Якутийн алдартай загвар өмсөгч, "Цасан гуа" өргөмжлөлт Елена Егорова Монгол Улсыг төлөөлөн оролцохоор болжээ. Тэрбээр энэ талаараа олон нийтийн сүлжээн дэх хуудсаараа дамжуулан мэдээлсэн байна. 

"Би "Miss Grand International" тэмцээнд Монгол Улсыг төлөөлөн оролцоно. Энэ тэмцээнд оролцохыг дөрвөн жил хүссэн. Ийм боломж олдсонд баяртай байна" хэмээн Елена бичжээ. Түүний эцэг эх 40 жилийн өмнө Монголоос Орос руу нүүж байсан гэнэ. Тиймээс ч тэрбээр Якутийг биш харин Монголыг төлөөлөн оролцох шийдвэр гаргажээ. 

Тэрбээр хувийн амьдралаа олонд дэлгээд байдаггүй гэнэ. Ээж нь саха, аав нь Оросын татар бөгөөд ээж нь Еленаг ганцаараа өсгөжээ. Еленагийн өгүүлснээр аав ээж нь хоёулаа бизнес эрхэлдэг, тэрбээр өөрөө ч 23 настайдаа гоо сайхны салбарын бизнес эхлүүлсэн байна. Энэ бизнесээ зарсан ч одоо хоол хүргэлтийн салбарт бизнес эрхэлж байгаа хэмээн өнгөрсөн онд Sakhaday сонинд ярьж байжээ.

Энд дуулгахад, "Miss Grand International"  тэмцээн Индонези улсад 10 дугаар сарын 25-ны өдөр болох аж.  Энэ тэмцээнийг анх Таиландын нөөц боломжийг харуулах зорилготой арга хэмжээ болгон зарлаж байсан ч дараа нь миссийн тэмцээн болж өргөжсөн, өдгөө "Ертөнцийн мисс", "Дэлхийн мисс" зэрэг тэмцээнүүдийн зэрэгцээ томоохон тэмцээний тоонд багтдаг аж.

Г.Бямбасүрэн