Вашингтон мужид ойн түймрийн улмаас иргэдийг нүүлгэн шилжүүлнэ
АНУ-ын Вашингтон мужийн эрх баригчид 1000 гаруй байшингийн оршин суугчдыг нүүлгэн шилжүүлэхээр болсноо зарлажээ. Энэ нь Канадтай залгаа хил дээр ойн түймэр асаж байгаатай холбоотой гаргасан шийдвэр гэж Ассошейтед пресс агентлаг мэдээлсэн байна.
Эх сугрвалжийн мэдээлснээр, ойн түймэр 780 га газрыг хамарсан бөгөөд байгалийн гамшигтай тэмцэхээр 100 орчим хүн, хэдэн арван нисдэг тэргийг дайчилжээ.
Энд дуулгахад, АНУ-д ойн түймрийн улмаас ой ихээр устаж, гэмтэж байгаа тул энэ онд түймрийн улмаас сүйдсэн ойг сэргээхийн тулд 100 сая гаруй долларыг зарцуулахаар болсон байна. Ойрын жилүүдэд түймрээс үүдэн сүйдсэн ойг сэргээхэд жилд 260 сая доллар зарцуулах шаардлагатай гэж мэргэжилтнүүд үзэж байгаа аж.
Г.Бямбасүрэн
СЭТГЭГДЭЛ БИЧИХ