Өмнө нь Афганистаны зэвсэгт хүчинд алба хааж байсан цэргийн алба хаагчдыг Украин дахь дайнд оролцуулахаар ОХУ хичээж байгаа талаар Америкийн  Foreign Policy сэтгүүл мэдээлжээ.

Эх сурвалжийн мэдээлснээр, Америк, Британийн зааварлагчид бэлтгэсэн, Афганистаны үндэсний армийн байлдах чадвар өндөртэй, Коммандос корпусын цэргийн алба хаагч байсан, одоо Афганистанд байгаа хүмүүс Украинд дайнд оролцвол өндөр мөнгө амласан зурвасуудыг Оросын төлөөлөгчдөөс хүлээн авах болсон гэнэ. Чухам ямар хүмүүс ийм зурвас илгээж байгаа нь тодорхойгүй, гэхдээ Оросын хувийн цэргийн компани болох "Вагнера"-ын хүмүүс афганчуудыг татахаар хичээж байгаа байх гэж нэрээ нууцалсан эх сурвалжууд Foreign Policy сэтгүүлд ярьжээ.

Сэтгүүлд мэдээлэл өгсөн хүмүүсийн нэг болох, өмнө нь ахмад байсан 35 настай эрийн ярьснаар, тэрбээр хамт алба хааж байсан хэд хэдэн хүнийг Оросын талтай холбож өгсөн гэх бөгөөд тэд Тегеран руу нисэж очин, цааш Оросыг зорьсон гэнэ. 

Эх сурвалжийн онцолсноор, барууны орнууд руу дүрвэж чадаагүй, өмнө нь коммандост алба хааж байсан 20-30 мянган хүн Афганистанд байгаа гэнэ. Тэдний ихэнх нь талибуудаас зугтах шаардлагатай байдаг аж. Оросыг дайснаа гэж хардаг тул коммандост алба хааж байсан хүмүүс Оросын талд байлдах дургүй, гэхдээ гарцаагүй байдалд орсон хэдэн мянган хүн Оросын тавьсан саналыг зөвшөөрч магадгүй гэж сэтгүүлд мэдээлэл өгсөн эх сурвалж онцолжээ. 

Г.Бямбасүрэн