Анхдугаар Үндсэн хуулиа баталж, Бүгд Найрамдах Монгол Ард Улсаа тунхаглан зарласны 98 жилийн ойн тохиож байна.  Улс тунхагласны баяраар экс Ерөнхийлөгч Х.Баттулга өөрийн нийгмийн сүлжээгээрээ дамжуулан мэндчилгээ дэвшүүлжээ. 

Тэрбээр " Элэг нэгт Монгол ахан дүүс ээ, Манай орны Ардчиллыг дэмжигч мянга мянган иргэд ээ!

Та бүхэндээ Монгол Улс анхдугаар Үндсэн хуулиа баталж, Бүгд Найрамдах Улсаа тунхагласан бахархалт өдрийн баярын мэндийг дэвшүүлье. 

1924 онд баталсан Анхдугаар Үндсэн хуулиар бид эрх зүйт Төрт улсыг тунхагласан бол 1990 оны Ардчилсан хувьсгалаар ард түмэн нь төрийн эрхийг барьдаг, шашин шүтэх, үзэл бодлоо илэрхийлэх, хүний эрх, эрх чөлөөг хүндлэн дээдэлдэг Үндсэн хуулиа улам бэхжүүлж, ардчиллын амин сүнс болсон зарчмуудыг ард нийтээрээ сахин хамгаалсаар ирлээ.

Өнөөдөр улс орны эдийн засаг, улс төрийн нөхцөл байдал амаргүй, хүндхэн байгаа ч бид ардчиллын зарчмуудаасаа алхам ч ухралгүйгээр энэ улсын эрх мэдэл гагцхүү иргэд, сонгогч Танд байгааг гүнээ ухамсарлан сонголт хийх шаардлага улам бүр чухал болж байна.

Цог золбоо зол заяат Монголчуудын эрх ашгийг хэнбугай ч давж бодох эрхгүй билээ!

Хөх тэнгэрийн Монгол мөнх оршино! " гэжээ.