Ватикан зул сарын гацуураа асаажээ
Өнгөрсөн ням гарагт Ватиканы Гэгээн Петрийн талбай дээр Зул сарын гацуурын гэрэл асаах уламжлалт ёслолын ажиллагаа болжээ. Энэ талаар ВВС агентлаг дамжуулсан байна.
Энэ жил 30 метр өндөртэй гацуур модыг Абруццо мужаас авчран, төв талбайд засжээ. Түүнчлэн мөн өдөр Иорданы Вифлеем хотод зул сарын гацуурыг асаах ёслол болжээ. Чухамхүү энд Иисүс Христос мэндэлсэн гэж үздэг. Ёслолын ажиллагаанд Палестины тэргүүн Махмуд Аббас оролцжээ.
Өнгөрсөн амралтын өдрүүдэд Европын орнуудад ч мөн зул сарын үзэсгэлэн яармаг нээгдсэн байна. Энэ удаад цар тахлаас өмнөх үеийнх шиг ямар нэг хязгаарлалтгүйгээр өргөн дэлгэр зохион байгуулагдаж байгаа аж. Тэдгээрийн нэг нь Италийн Больцано хотод нээгдсэн бөгөөд энэ яармагийг жил бүр 700 мянга орчим жуулчин үзэж сонирхдог гэнэ.
Г.Бямбасүрэн
СЭТГЭГДЭЛ БИЧИХ