Шведийн SIRPI хүрээлэн өнгөрсөн оны байдлаарх дэлхийн зэвсгийн худалдааны тайланг гаргажээ. Хүрээлэнгийн тайланд өгүүлснээр, өнгөрсөн онд дэлхийн зэвсэгийн шилдэг 100 компани нийтдээ 592 тэрбум долларын зэвсэг зарснаас 300 тэрбум долларын худалдаа нь Америкийн цэргийн компаниудад хамааралтай байгаа аж. 

Шинжээчдийн онцолсноор, дэлхийн зэвсэг болон цэргийн үйлчилгээний борлуулалт долоон жил дараалан өсөж байгаа аж. Өнгөрсөн жилд дэлхийн 100 том зэвсгийн компани 592 тэрбум долларын бүтээгдэхүүн худалдсан нь  өмнөх онтой нь харьцуулахад 1,9 хувиар өссөн дүн юм байна. 2020-2021 онд зэвсгийн борлуулалт нэмэгдсэн хэмнэл 2019-2020 оны үеийнхтэй харьцуулахад 1,1 хувиар нэмэгджээ.

SIRPI-ийн шинжээчдийн үзэж байгаагаар зэвсэг үйлдвэрлэхэд ашигладаг түүхий эдийн гол нийлүүлэгч нь Орос бөгөөд энэ улс Украин руу халдсан нь АНУ, Европ Украин руу зэвсэг илгээснийхээ дараа зэвсгийн нөөцөө бэхжүүлэхэд ихээхэн саад болж байгаа гэнэ. Энэ нийлүүлэлтийн тасалдал цааш үргэлжилвэл зэвсэг үйлдвэрлэгч томоохон зарим компани Украины дайнаас үүдэлтэй эрэлтийг хангахад хэдэн жилийн хугацаа шаардагдана гэж тайланд онцолжээ.

Г.Бямбасүрэн