Засгийн газар өнөөдөр ээлжит бусаар хуралдаж буй. Өнөөдрийн хуралдаанаас оффтейк гэрээний хоёр гэрээг нууцаас гаргахаар болсон байна. 

Энэ талаар Эдийн засгийн хөгжлийн сайд Ч.Хүрэлбаатар "Засгийн газар “Эрдэнэс тавантолгой” компанид онцгой дэглэм тогтооход олон хүн сандарч эхэлсэн. Олон булхай дэлгэгдэх нь зөвхөн цаг хугацааны асуудал болоод байна. Үхтлээ айж сандарч байгаа хүн бол Женко бас “ЭТТ”-ны экс удирдлагууд. Олон олон хулгайн үзүүр Женко руу чиглэдгийг амтай бүхэн ярьдаг.

Женкогийн хулгайн мөнгөөр угжуулж ирсэн “үлгэр”-ийн баатрууд амилж, Ч.Хүрэлбаатарыг гүтгэх, доромжлох, харлуулах ажиллагаагаа эхлүүлж байна. Энэ бол Женког галаас зайлуулах, гөлөг төөрүүлэх ажиллагаа л даа. Өнөөдөр Засгийн газраас нууцаас гаргаж буй 9 гэрээний 2 нь Тавантолгой-Зүүнбаян чиглэлийн төмөр замтай холбоотой. Энэ төмөр замтай холбоотой үлгэрийн юм шиг фактууд ил болно. Нууцаас гарсан юм чинь шалгаж ч эхлэх байх. Гөлөг төөрөхгүй ээ. Төөрүүлэх ч үгүй. Ичиж амьдар" хэмээн нийгмийн сүлжээндээ бичжээ. 

НЭМЭЛТ:  Эрдэнэс Тавантолгой компанид дөрвөн оффтейк гэрээ бий

1. Тавантолгой-Гашуунсухайт чиглэлийн төмөр замын төсөл

2.  Богдхан төмөр замын төсөл

3.  Нүүрс баяжуулах үйлдвэрийн төсөл

4.  Газрын тос дамжуулах хоолой барих төсөлд оффтейк гэрээ байгуулсан байна.

Засгийн газрын шийдвэрээр энэ дөрвөн төсөлд оффтейк гэрээ байгуулсан.

Мөн мөнгийг нь урьдчилж аваад нүүрсээ дараа нь гаргах нөхцөлтэй дөрвөн гэрээ бий

1. Чалко компани

2. Glory Town холдинг

3. Jiayou интернэшнл

4. E-Commoditis холдинг

Одоогийн байдлаар энэ дөрвөн компаниас 45 сая ам.долларыг авчихсан байгааг эх сурвалж мэдээлсэн