БНХАУ Хятадад үйлдвэрлэдэг, стратегийн нэн чухал чип Орос руу нийлүүлэхийг хоригложээ. Энэ талаар БНХАУ-ын Засгийн газраас авсан эх сурвалжтайгаар Оросын Коммерсант агентлаг мэдээлсэн байна. 

Тодруулбал, Хятадад үйлдвэрлэдэг Loongson процессоруудыг ОХУ руу нийлүүлэхийг БНХАУ-ын Засгийн газар хоригложээ.  Энэ процессор нь стратегийн нэн чухал технологид тооцогддог бөгөөд эдгээр чипийг цэргийн үйлдвэрт ашигладаг юм байна. Гэхдээ зөвхөн Орос руу биш дэлхийн бусад бүх улс руу энэ чипийг экспортлохыг хоригложээ. 

Өмнө нь Оросын зарим үйлдвэрлэгчид Хятадын процессоруудыг туршиж байв. Туршилтын дүнгээр Loongson нь хориг арга хэмжээний улмаас Оросын зах зээлээс гарсан Intel компанийн процессорыг орлох боломжтой гэдэг нь тогтоогдож байв. 

Г.Бямбасүрэн