Засгийн газрын өнөөдрийн хуралдаанаар Эрүүгийн хуулийн нэмэлт өөрчлөлтийн төслийг хэлэлцэж, УИХ-д өргөн мэдүүлэхээр болсон. Уг хуулийн төслийг Хуульзүй, дотоод хэргийн сайд Х.Нямбаатар саяхан УИХ-д өргөн мэдүүлсэн бөгөөд яг одоо Хуульзүйн байнгын хороо яаралтай горимоор хэлэлцэж эхэллээ. 

Жагсагч залуусын тавьсан шаардлагын дагуу авлига, албан тушаалын гэмт хэргийн ялын бодлогыг чангатгаж, Эрүүгийн хуулинд тусгасан юм. Авлига, албан тушаалын хэрэгт өршөөл, уучлал үзүүлэхгүй бөгөөд гэмт хэрэг үйлдэж олсон хөрөнгө, орлогыг гэмт хэргийг хөөн хэлэлцэх хугацаа дууссан эсэхээс үл хамааран хурааж улсын орлого болгохоор хуулийн төсөлд тусгасан байна.