Украины Ерөнхийлөгч Володимир Зеленский 12 дугаар сарын 21-ний өдөр АНУ-д айлчилж, тус улсын Ерөнхийлөгчтэй уулзаж, парламентад үг хэлэхээр болсон талаар Америкийн хэвлэлүүд мэдээлж байсан. CNN агентлагийн мэдээлснээр, Зеленский хэдийнэ замдаа гарчээ. 

"Зеленский Вашингтонд айлчлал хийхээр АНУ-ыг чиглэн явж байгаа талаар хоёр эх сурвалж мэдээллээ" хэмээн CNN агентлагийн сурвалжлагч Кейтлан Коллинз Твиттер хуудсандаа бичжээ. 

Америкийн хэвлэлүүдийн мэдээлснээр, Зеленскийг Вашингтонд айлчлахтай холбоотойгоор тус хотын цагдаагийнхан аюулгүй байдлын өндөржүүлсэн хамгаалалт зарласан бол Цагаан ордон Украины ерөнхийлөгчийн айлчлалд бэлтгэж байгаа аж. Зеленский Байдентай уулзаж, парламентад үг хэлнэ гэж хэвлэлүүд мэдээлсэн юм. Украины Ерөнхийлөгч ийнхүү АНУ-д очсоноор түүний хувьд Орос, Украины дайн эхэлснээс хойших анхны гадаад айлчлал болж байна. 

Г.Бямбасүрэн