Монгол Улсын Ерөнхий сайдын зүгээс Засгийн газрын сайд нарыг шинээр томилохоор зургаан хүний нэрийг дэвшүүлж, Монгол Улсын Ерөнхийлөгчтэй зөвшилцсөн. Уг нэрстэй танилцсан Ерөнхийлөгч Ц.Элбэгдорж өчигдөр эдгээр зургаан сайдын дөрвийнх нь нэрийг хүлээн авахаас татгалзаж байгаагаа албан бичгээр мэдэгдсэн.
Тэрбээр УИХ-ын гишүүн Засгийн газрын гишүүнийг хамтран хаших нь зохисгүй хэмээн үзэж байгаагаа уг мэдэгдэлд дурьдсан. Гэвч түүний энэ мэдэгдлийг Ерөнхий сайд хүлээн авалгүй, өчигдөр УИХ-ын даргад танилцуулж, холбогдох байнгын хороодоор сайд нарын асуудлыг хэлэлцүүлж эхэлсэн.
Сайд нарын асуудлыг холбогдох байнгын хороодоор хэлэлцэж эхлэхтэй зэрэгцэн УИХ дахь Ардчилсан намынхан Ерөнхийлөгчийн мэдэгдлийг дэмжиж байгаагаа илэрхийлж, Засгийн газрын шинэ сайдуудад нэр дэвшсэн УИХ-ын гишүүдийг дэмжихгүй гэдгээ илэрхийлэв.
Энэ нь сайд нарын асуудал дэмжигдээд байгаа унаад байгаа аль нь болохыг харахад жаахан хүндрэлтэй асуудлуудыг бий болгож байсан. Харин энэ талаар улс төрийн хүрээнийхэн “Сонгууль дөхсөн энэ цаг үед УИХ дахь бүлгийнхээ гишүүдийн хүсэл сонирхолтой зөрчилдөж томилгоо хийнэ гэдэг Ерөнхий сайд, МАН-ын дарга С.Батболдын хувьд амаргүй зүйл.
Тиймээс тэрбээр бүлгийн гишүүдтэйгээ хэдэнтэй зөвшилцөж байж, нэр дэвшигчдээ тодруулсан. Энэ тохиолдолд Ерөнхийлөгчийн зүгээс хориглолт хийгээд байх боломж хуулийн талаасаа байхгүй” гэж байлаа.
Энэ нь биднийг Н.Багабанди Ерөнхийлөгчийн үед буюу 1992-1996 онд Засгийн газрын тэргүүн болохоор бүх тохироо нь бүрдсэн байсан Да.Ганболдын нэрийг долоон удаа буцааж, Засгийн газрын бүрэлдэхүүнийг цаг алдалгүй бүрдүүлэх боломжийг хаасан гэдэг үндэслэлээр Үндсэн хуулийг өөрчилт оруулахад хүргэсэн гэдгийг эргэн санахад хүргэж байна.
Ардчилсан хүчнийхэний санаачлагаар хийгдсэн уг өөрчлөлтийн дагуу Ерөнхий сайд нэр дэвшигчдийн асуудлаар Ерөнхийлөгчтэй долоо хоногийн дотор зөвшилцөж чадаагүй бол Ерөнхий сайд өөрөө УИХ-д шууд өргөн барих тухай Үндсэн хуулийн заалт хүчин төгөлдөр үйлчилж байгаа.
Өөрийнх нь үгэнд орохгүй бол Ерөнхийлөгч Ц.Элбэгдорж саяхан сөрөг хүчнийхээ байр сууринд эргэн ирсэн АН-ынхантай нийлээд улс төр хийх магадлалтай учраас МАН-ынханд болгоомжлол бий.
Энэ таамаг ёсоор АН-ын дарга Н.Алтанхуяг, генсек Д.Эрдэнэбат нар Засгийн газрын гишүүдийг томилоход хориг саад тавихгүй гэдгээ хэд хэдэн удаа илэрхийлсэн ч УИХ дахь Ардчилсан намын бүлгийн гишүүд Ерөнхийлөгчийн саналыг дэмжиж байгаагаа өчигдөр бүлгийн хуралдааныхаа дараа албан ёсоор мэдэгдсэн. Гэвч үүний эсрэг УИХ дахь МАН-ын бүлэг хөдлөж, АН-ын гишүүдийн дэмжлэггүйгээр байнгын хороодоор хоёр сайдыг томилох асуудлыг дэмжлээ.
Олонхи цөөнхийн ялгаа л одоо л гарч, мэх мэхэндээ гэгч үйл явдлууд монголын улс төрд өрнөсөөр л байна.
С.Заяа
Монгол Улсын Ерөнхий сайдын зүгээс Засгийн газрын сайд нарыг шинээр томилохоор зургаан хүний нэрийг дэвшүүлж, Монгол Улсын Ерөнхийлөгчтэй зөвшилцсөн. Уг нэрстэй танилцсан Ерөнхийлөгч Ц.Элбэгдорж өчигдөр эдгээр зургаан сайдын дөрвийнх нь нэрийг хүлээн авахаас татгалзаж байгаагаа албан бичгээр мэдэгдсэн.
Тэрбээр УИХ-ын гишүүн Засгийн газрын гишүүнийг хамтран хаших нь зохисгүй хэмээн үзэж байгаагаа уг мэдэгдэлд дурьдсан. Гэвч түүний энэ мэдэгдлийг Ерөнхий сайд хүлээн авалгүй, өчигдөр УИХ-ын даргад танилцуулж, холбогдох байнгын хороодоор сайд нарын асуудлыг хэлэлцүүлж эхэлсэн.
Сайд нарын асуудлыг холбогдох байнгын хороодоор хэлэлцэж эхлэхтэй зэрэгцэн УИХ дахь Ардчилсан намынхан Ерөнхийлөгчийн мэдэгдлийг дэмжиж байгаагаа илэрхийлж, Засгийн газрын шинэ сайдуудад нэр дэвшсэн УИХ-ын гишүүдийг дэмжихгүй гэдгээ илэрхийлэв.
Энэ нь сайд нарын асуудал дэмжигдээд байгаа унаад байгаа аль нь болохыг харахад жаахан хүндрэлтэй асуудлуудыг бий болгож байсан. Харин энэ талаар улс төрийн хүрээнийхэн “Сонгууль дөхсөн энэ цаг үед УИХ дахь бүлгийнхээ гишүүдийн хүсэл сонирхолтой зөрчилдөж томилгоо хийнэ гэдэг Ерөнхий сайд, МАН-ын дарга С.Батболдын хувьд амаргүй зүйл.
Тиймээс тэрбээр бүлгийн гишүүдтэйгээ хэдэнтэй зөвшилцөж байж, нэр дэвшигчдээ тодруулсан. Энэ тохиолдолд Ерөнхийлөгчийн зүгээс хориглолт хийгээд байх боломж хуулийн талаасаа байхгүй” гэж байлаа.
Энэ нь биднийг Н.Багабанди Ерөнхийлөгчийн үед буюу 1992-1996 онд Засгийн газрын тэргүүн болохоор бүх тохироо нь бүрдсэн байсан Да.Ганболдын нэрийг долоон удаа буцааж, Засгийн газрын бүрэлдэхүүнийг цаг алдалгүй бүрдүүлэх боломжийг хаасан гэдэг үндэслэлээр Үндсэн хуулийг өөрчилт оруулахад хүргэсэн гэдгийг эргэн санахад хүргэж байна.
Ардчилсан хүчнийхэний санаачлагаар хийгдсэн уг өөрчлөлтийн дагуу Ерөнхий сайд нэр дэвшигчдийн асуудлаар Ерөнхийлөгчтэй долоо хоногийн дотор зөвшилцөж чадаагүй бол Ерөнхий сайд өөрөө УИХ-д шууд өргөн барих тухай Үндсэн хуулийн заалт хүчин төгөлдөр үйлчилж байгаа.
Өөрийнх нь үгэнд орохгүй бол Ерөнхийлөгч Ц.Элбэгдорж саяхан сөрөг хүчнийхээ байр сууринд эргэн ирсэн АН-ынхантай нийлээд улс төр хийх магадлалтай учраас МАН-ынханд болгоомжлол бий.
Энэ таамаг ёсоор АН-ын дарга Н.Алтанхуяг, генсек Д.Эрдэнэбат нар Засгийн газрын гишүүдийг томилоход хориг саад тавихгүй гэдгээ хэд хэдэн удаа илэрхийлсэн ч УИХ дахь Ардчилсан намын бүлгийн гишүүд Ерөнхийлөгчийн саналыг дэмжиж байгаагаа өчигдөр бүлгийн хуралдааныхаа дараа албан ёсоор мэдэгдсэн. Гэвч үүний эсрэг УИХ дахь МАН-ын бүлэг хөдлөж, АН-ын гишүүдийн дэмжлэггүйгээр байнгын хороодоор хоёр сайдыг томилох асуудлыг дэмжлээ.
Олонхи цөөнхийн ялгаа л одоо л гарч, мэх мэхэндээ гэгч үйл явдлууд монголын улс төрд өрнөсөөр л байна.
С.Заяа
СЭТГЭГДЭЛ БИЧИХ