• 2012-02-26

Өнөөдөр Египетийн хувьсгалын 1 жилийн ойн өдөр

img

Өнөөдрөөс нэг жилийн өмнөх энэ өдөр буюу хоёрдугаар сарын 26-ныг Египетийн хувьсгал эхэлсэн өдөр хэмээн тооцдог. Египетийн нийслэл Каирын Тахрирын талбайд цугласан олон мянган хүмүүсийн бухимдал, өөрчлөлт шинэчлэлтийг хүсэн тэмүүлсэн хүслийн давалгаанаас түүчээлсээр Ойрхи Дорнод төдийгүй цэнхэр гаригийг шуугиулсан олон олон хувьсгал мэндэлсэн юм. Арабын хавар хэмээн нэрлэгдсэн ойрхи дорнод, хойд африкийн цуутай удирдагч, дарангуйлагчдыг сэнтийнээс нь ховх татан унагасан хувьсгал 2011 оны хамгийн гол үйл явдал болсон юм. Олон арван жилийн турш үзэл суртал, шашин шүтлэгийн хүлээсэнд хэн нэгэн дарангуйлагчийн мутар дор талхилагдсан арабын ард түмнүүд хувьсгалын давалгааг ээлжлүүлсээр өнөөг хүрсэн. Өнөөдрийг хүртэл арабын хувьсгалын үргэлжлэл болох тэмцэл хөдөлгөөн Сири, Йемен зэрэг орнуудад үргэлжилсээр л байна. Яг жилийн өмнөх энэ өдөр Тахрирын талбайд хуран цугласан олны хүсэл өчигдөрхөн биеллээ олж Египет улсад парламентын сонгуулийн эцсийн шатны дүн гарч армийн удирдлагууд улс орныг тохинуулах эрхийг парламентад шилжүүлэн өглөө. Хувьсгалын гол зорилго биелсэн гэж үзэх эрт байгаа ч ямартай ч египетчүүд өөрсдөө сонгуулиа хийж хүссэн хүмүүсээ төрийнхөө удирдлагад аваачиж буй бололтой. Одоо тэд 40 жил улс орноо удирдуулсан Хосни Мубаракаа дүүжлүүрийн тавцанд илгээх гэж буй. Өнгөрсөн сард болсон шүүх хурлаас Мубаракыг дүүжлэн хороох ял төлөвлөсөн ч хэргийн баталгаа нотолгоо байхгүй хэмээгдэн ялын тогтоолыг хойшлуулаад буй. Жилийн өмнө эхэлсэн хувьсгалыг эхэн үедээ Хосни Мубарак цэргийн хүчээр тогтоон барьж байсан ч тэр Каддафи, Башар Ассад биш гэдгээ харуулж өөрийн биеэ тэмцэгчдийн гарт тушаасан. Үүнийх нь төлөө египетчүүд түүнд талархах хэдий ч хувьсгал ялтал Тахрирын талбайд цагдаа цэргийнхний гарт амь үрэгдсэн олон арван египетчүүдийн амийг нэхэх нэхэл шүүхэд ч бүдгэрэхгүй бололтой. Нэгдүгээр сарын 25 ийнхүү түүхэнд Египетийн хувьсгал дэгдсэн өдөр хэмээн тэмдэглэгдэн үлдэж нэг жилийн ойтойгоо золгож байна. О.Нар

СЭТГЭГДЭЛ БИЧИХ

ЗЭВ:
Баабарын “АЛДАГДАЖ МАГАДГҮЙ АУГАА БОЛОМЖ” гэсэн шинэ нийтлэлийг уншлаа, үнэхээр дургүй хүрч байна энэ хүнд. Би Баабарын айл гэр болж тоглох нь, Алтан гурвалжин, Дори идэр дүүдээ, Нүүдэл суудал гээдл бүх номнууд, түүний нийтлэлүүдийг тасралтгүй 10-аад жил уншиж ирсэн. Түүний тарьсан соён гэгээрүүлэх их үрийг харамгүй хүртсэн олон мянган залуусын нэг нь би. Энэ бол түүний хамгийн том гавъяа. Гэвч одоо Баабар хорт тархи угаагч, өрнөдийн үндэстэн дамнасан эдийн засгийн алуурчдын гар хөл, тэжээвэр нохой болжээ. Олон жилийн өмнөөс ч түүнийг ингэж ярьдаг байсан. Одоог хүртэл над шиг олон мянган залуус үүнд итгээгүй, түүний нийтлэл бүрийн дор доромжилсон захиалгат сэтгэгдэлчингүүдийн хоосон яриа гэж үл тоож ирсэн. Өнөөдөр манай улсын эдийн засгийн үзүүлэлт 20 хувь өсөж нэг хүнд ногдох ДНБ 4000 долларт хүрсэн. Үнэндээ бодит байдал дээрээ ард түмэнд наалдсан юу ч алга. 2011 онд Монголд 20 тэрбум доллар эргэлдснээс үүний дөнгөж 200 сая нь л Монголд үлдсэн гэж Монголбанк мэдэгдэж байна. Одоо 20 гаруй хувийн инфляц, үнийн өсөлтөөс болж жирийн иргэн дундаж гэгдэх давхаргын амьдрал доошоо унах аюулд ороод байна. Зөвхөн Монголдоо л дундаж давхаргад орно шүүдээ, 500 хүрэхгүй долларын цалин дэлхийн хэмжээнд ямар түвшинд тооцогддог билээдээ. Энэ инфляц, үнийн өсөлт арай дэндүү байна, дундаж давхаргыг тэр чигээр нь доошоо чангаахнээ....Удахгүй энэ ард түмэн нийтээрээ босох болно шүү. Амьжиргааны өртөг үнэндээ жил ирэх бүр дордож байна. Зөвхөн шударга үнэнийг хэлэхийг, бүх залуусдаа үнэнийг хэлэхийг хүсч байна. Үнэхээр бухимдаж, бачуурч байна. Нэг хүнд ногдох ДНБ Оюутолгойн ачаар 2015 онд 10 мянга хүрнэ гэж Баабар биднийг хоосон ирээдүй амлаж тархи угааж байна. Өнөөдөр уул уурхайгаас олж байгаа орлого хэдхэн хүний халаасанд орж гадагшаа урсаж нийгэмд ямар ч баялаг бүтээхгүй байна. Эдийн засаг өсөж байгаа гэдэг амьдрал дээр огт худлаа мэдээлэл. Ард түмний амьдрал үнэхээр хэцүүдэж байна. Баабар та хэзээ үнэнийг хэлэх вэ? Та Монголын тэргүүний сэхээтэн, та үнэхээр шударга үнэний талд зогсвол нийгэмд нөлөөлж чадна, таныг олон мянган залуус дэмжинэ шүүдээ.
2012-01-25
Ganaa цэг мн сайтруу орж уншаарай.:
Шууд хэлэхэд ноён Баабар монголчууд бидний олох мөнгөнд биш, баячуудын олох мөнгөнд баярлаж байна гэж би бодож байна. Нөгөө баячууд нь Баабарын баярлаад байгаа “алдагдаж магадгүй агуу боломж”-ийг ингэж л ашиглаж байна даа. Баабар дөнгөж саяхан нүүрс үнс болно, “зүгээр” зарчих гэснийгээ бодвол асар их ахисан ч ноён Элбэгдоржийн нүүрс зарах стратегийг 10.000 доллар гэж рекламдах утгагүй ш дээ… Судлаач Д.Ганхуяг 2012 оны 1 дүгээр сарын 23.
2012-01-25