Засгийн газрын өнөөдрийн хуралдаанаас гаргасан шийдвэрийг танилцуулж байна. 

Шийдвэртэй холбогдуулан Монгол Улсын сайд, Нийслэл Улаанбаатар хотын авто замын түгжрэлийг бууруулах Үндэсний хорооны дарга Ж.Сүхбаатар "Нийслэл Улаанбаатар хотын автозамын түгжрэлийг бууруулах үндэсний хорооноос Түгжрэлийг бууруулах чиглэлд хийж байгаа ажил арга хэмжээний талаар танилцууллаа. 

 Түгжрэлийг бууруулах хүрээд төвлөрлийг сайруулах, түгжрэл бууруулах зорилтот төсөл арга хэмжээнүүд гэсэн хоёр чиглэлд ажиллаж байна. Өнөөдрийн хуралдаанаас "Сэлбэ сэргэлт"-ийн төслийг авч хэлэлцлээ. Энэ төсөл түгжрэлд саатаж байгаа олон гацааг арилгана гэж үзсэн.  "Сэлбэ сэргэлт"-ийн төслийн үзэж баримтлалыг өнөөдрийн Засгийн газрын хуралдаанаар дэмжлээ. Энэ хүрээнд ажлын хэсэг байгуулж, холбогдох хүмүүст үүрэг чиглэл өглөө. 

Нийслэлийн нийтийн тээврийн парк шинэчлэлтийн хоёр дахь шатны ажлыг хариуцан ажиллаж байна. Энэ ажлын хүрээнд 87 цахилгаан автобусыг ирэх есдүгээр сарын 1-нд, 650 евро5 стандартад нийцсэн эко автобусыг ирэх намар оруулж ирнэ. Цаашид нийтийн тээвэрт жолооч нарт сургалт хийх, автобаазыг шинэчлэх, зарим дүрэм журмыг шинэчлэх, өөрчлөлт оруулах шаардлага байна. Ирэх жилийн өвөлд бид бэлдэж байна. Өнгөрсөн жилийн өвөл нийтийн тээврийн уналтын цэг байлаа. Энэ бол парк шинэчлэлт хийгдээгүйтэй холбоотой. Ирэх жил энэ байдлыг давдагдуулахгүй байх чиглэлд ажиллаж байна. Мөн түгжрэлийг бууруулах чиглэлд Замын хөдөлгөөн зохион байгуулалтын эрх зүйн зохицуулалтыг боловсронгүй болгох асуудал байна.

Өнгөрсөн онд хийсэн Олимпийн гудамж, Зайсангийн чиглэлд хийсэн хөдөлгөөний зохицуулалт үр дүнгээ өгсөн. Энэ жишгээр Улаанбаатарт замын хөдөлгөөн зохион байгуулалтын олон арга хэмжээ авч болохоор байгаа. Үүнд бид бэлдэж байна. Их тойруу, бага тойруу, хотын төв орчимд наадмын дараагаас томоохон хэмжээний замын хөдөлгөөний ЦОГЦ зохион байгуулалт хийгдэнэ. Улаанбаатар хотыг хойт, урд тойрог замын хэлбэрт оруулна. Урд тойрог буюу Туул голыг дагасан хэсгийг Зам тээвэр хөгжлийн сайд, хойт хэсгийг нийслэлийн Засаг дарга хариуцаж ажиллахаар төлөвлөж байна. Энэ хүрээнд Нийслэл Улаанбаатар хотын авто замын түгжрэлийг бууруулах Үндэсний хороо санхүүжилтын схем, судалгаа тооцоо хийх чиглэлд ажиллаж байна. 

Мөн Францын талтай тохирсон дүүжин тээврийн ажлаа гүйцээж хийнэ. Эхний шугам 2024 оны зургадугаар сард ашиглалтад оруулна. Дэлхийн бусад хотууд хийж болоод байна" гэлээ.