Төрийн байгууллагуудын ШИЛЭН дансны цуврал мэдээллийн хүрээнд НИТХ-ын өнгөрсөн нэг, хоёрдугаар сарын орлого зарлагын мэдээллийг хүргэе.
НИТХ өнгөрсөн нэгдүгээр сард нэг тэрбум 500 сая төгрөгийн санхүүжилт авсан байна. Үүнээс 500 сая төгрөгийг олон нийтийн цагдаа болон Замын хөдөлгөөний гэрээт хэлтсийн санхүүжилтэд зарцуулсан талаар цалингийн зардлаас бусад таван сая төгрөгөөс дээш үнийн дүн бүхий зарлагын мөнгөн гүйлгээ хэсэгтээ мэдээлжээ.
Харин хоёрдугаар сард НЭГ тэрбум 242 сая төгрөгийн санхүүжилт авчээ. Үүнээс олон нийтийн цагдаагийн урамшуулал болон Замын хөдөлгөөний гэрээт хэлтсийн санхүүжилтэд 980 гаруй сая төгрөг, тийзний зардал 15 сая төгрөг, албан томилолтод 11 сая төгрөг зэрэг нийт 15 төрлийн гүйлгээг гаргасан байна.
Үүнээс анхаарал татаж байгаа нь "нийслэлийн төлөөлөгчдийн суудлын мөнгө" гэх утгатайгаар 68 сая төгрөг зарлага юм.
П.ГОО