Нийтийн тээврийг үнэ төлбөргүй болгосон анхны улс Люксембург
2023-03-29

2020 онд Люксембург нийтийн тээврээр үнэ төлбөргүй зорчих журам нэвтрүүлсэн дэлхийн анхны улс болсон юм. Ийм шийдвэр хэрэгжсэнээс хойш хэдийнэ гурван жил өнгөрч байгаа бөгөөд оршин суугчид нь энэ журмыг ихээхэн магтаж, дэмждэг талаар Евроньюс агентлагийн сурвалжлагад онцолжээ.

 

Оршин суугчдын үзэж байгаагаар нийтийн тээврийг үнэ төлбөргүй болгосон нь аялахад хялбар, хүрээлэн буй орчинд эерэг нөлөө үзүүлж байгаа гэнэ. Түүнчлэн энэхүү систем нь хүний "үндсэн эрхийг хангаж байгаа" гэж зарим нь үздэг аж.

 

Люксембургт түгжрэлийн асуудлыг шийдэхийн тулд нийтийн тээврийг үнэ төлбөргүй болгожээ. 2020 онд Люксембург автомашины тоогоор Европ дахь хамгийн их машинтай орны тоонд багтдаг байв. Европын дундаж үзүүлэлт нь 1000 хүнд 560 машин ноогдохоор байсан бол Люксембургт 1000 хүнд 696 машин ноогдож байжээ. Ингээд замын түгжрэл эрс нэмэгдэж, агаар мандалд хаягдах утааны хэмжээ эрс нэмэгдсэн байна.

 

Улмаар нийтийн тээврийг үнэ төлбөргүй болгосноор оршин суугчид аажмаар машинаас татгалзаж эхэлжээ. 

 

"Нийтийн тээвэр үнэ төлбөргүй учраас хувийн машин унаж зардал гаргахын оронд нийтийн тээврээр үйлчлүүлэх болсон. Түүнчлэн энэ нь байгаль орчинд ч ээлтэй. Тээвэр бол оршин суугчдын үндсэн эрхийн нэг. Хүн ажил эрхлэх эрхтэй бол ажил руугаа илүү зардалгүйгээр хүрэх эрх ч байх ёстой" хэмээн Люксембургийн оршин суугч Эдгар Бисениус сэтгүүлчид ярьжээ. 

 

Үнэгүй нийтийн тээврийн схем хэрхэн ажилладаг вэ?

 

2020 оны хоёрдугаар сарын 29-ний өдрөөс эхлэн Люксембургийн бүхий л нийтийн тээврийн хэрэгсэл оршин суугчид төдийгүй жуулчдад ч үнэ төлбөргүй үйлчлэх болжээ. Энэ журам орон даяар үйлчлэх бөгөөд зорчигчид нэгдүгээр зэрэглэлээр зорчихыг хүсвэл тасалбар худалдан авдаг аж.

 

Үнэ төлбөргүй үйлчилгээ нэвтрүүлсэн ч тээврийн системд хийх хөрөнгө оруулалт саараагүй байна. Шинээр трамвайн сүлжээ байгуулсан нь доголдолгүй ажиллаж байгаа, төмөр замын сүлжээг сайжруулахад ихээхэн хөрөнгө оруулалт хийсэн гэж эрх баригчид нь мэдэгджээ.

 

Г.Бямбасүрэн

Shuud.mn
Сонин хачин
Freda:
This is a very joyful day of my life because of the help PRIEST Salami has rendered to me by helping me get my ex-husband back with his magic and love spell. I was married for 6 years and it was so terrible because my husband was really cheating on me and was seeking a divorce but when I came across PRIEST Salami email on the internet on how he helped so many people to get their ex back and help to fix relationships. and make people happy in their relationship. I explained my situation to him and then sought his help but to my greatest surprise, he told me that he will help me with my case and here I am now celebrating because my Husband has changed totally for good. He always wants to be by me and can not do anything without my presence. I am really enjoying my marriage, what a great celebration. I will keep on testifying on the internet because PRIEST Salami is truly a real spell caster. DO YOU NEED HELP THEN CONTACT DOCTOR PRIEST Salami NOW VIA EMAIL: purenaturalhealer@gmail.com. Whatsapp number: +2348143757229 He is the only answer to your problem and makes you feel happy in your relationship...
2023-03-30
Иргэн:
Үнэгүй юманд нугасгүй монголчууд автобусаар яваад эхэлбэл түгжрэл багасах юм биш үү
2023-03-29