Төв аймгийн Баянхангай сумын Хөшөөт багийн нутагт байрлах үйлчилгээний зориулалттай зургаан байшин шатсан харамсалтай хэрэг гарчээ.

Тодруулбал, хоёр давхар цайны газрын барилга шатаж байна гэсэн дуудлагыг энэ сарын 02-ны өдрийн 16:41 цагт Төв аймгийн Онцгой байдлын газар хүлээн авчээ.  Дуудлагын дагуу нийслэлийн Баянгол дүүргийн Онцгой байдлын хэлтсийн Гал түймэр унтраах, аврах 18 дугаар ангийн алба хаагчдыг очиход иргэн У-ын 8х10 метрийн хэмжээтэй зоогийн газрын 2 давхар барилга шатсаны улмаас иргэн Т-ын дэлгүүрийн 1 давхар барилга, иргэн О-ын  дэлгүүрийн 2 давхар барилга, иргэн Э-ийн зоогийн газрын 2 давхар барилга тус тус шатаж дууссан байсан байна. Мөн иргэн Г-ын 8зоогийн газрын 2 давхар барилга, иргэн Г-ийн  “Дугуй засвар”-ын 1 давхар барилга шатаж байсныг 40 минут ажиллаж унтраажээ.

Эх сурвалж: ОБЕГ