"Лайвчин" Д.Мөнх-Эрдэнэд холбогдох гэм буруугийн шүүх хурал өчигдөр 10.30 цагаас эхэлсэн ч шийдвэрээ гаргалгүй түр завсарласан. 

Шүүх хурал өнөөдөр  Сүхбаатар дүүргийн Эрүүгийн хэргийн анхан шатны шүүхийн байранд 10 цагаас үргэлжлэн явагдана. Д.Мөнх-Эрдэнийн өмгөөлөгчдийн зүгээс Сүхбаатар дүүргийн Эрүүгийн хэргийн анхан шатны шүүхээс бүхэлд нь татгалзаж хэргийн харьяалал тогтоолгох хүсэлт гаргасан байна. 

Хэргийг эргэн сануулахад,  нийслэлийн прокурорын газраас Д.Мөнх-Эрдэнэд Эрүүгийн хуулийн тусгай ангийн 22.5 дугаар зүйлийн 1 дэх хэсэг, 22.4 дүгээр зүйлийн 4 дэх хэсэг, 22.1 дүгээр зүйлийн 2 дахь хэсэг, 13.14 дүгээр зүйлийн 1 дэх хэсэг, 23.1 дүгээр зүйлийн 1 дэх хэсэгт тус тус заасан гэмт хэрэгт эрүүгийн хэрэг үүсгэж, яллагдагчаар татан яллах дүгнэлт үйлдэж ирүүлсэн байдаг юм.