“Хөвсгөл-Улаанбаатар” чиглэлийн зорчигч тээврийн “Мин транс” ХХК-ийн “Дэү” маркийн УМИ-2111 улсын дугаартай автобус  өчигдөр Сэлэнгэ аймгийн Баруунбүрэн сумын 1 дүгээр багийн нутагт бүрэн шатжээ. Уг тээврийн хэрэгсэл Хөтөл тосгоноос 47 км-т орших  авто зам дээр шатсан бөгөөд жолооч, зорчигч нийлсэн 45 хүнийг Хөтөл тосгон дахь аймгийн Онцгой байдлын газрын Аврах гал унтраах 61 дүгээр ангийн бүлэг очиж хүн тээврийн хоёр автомашинаар зорчигчдыг Хөтөл тосгонд авчирсан байна. Одоогоор уг тээврийн хэрэгсэлийн шатсан шалтгааныг тодруулахаар ажиллаж байгаа бөгөөд зорчигчид ямар нэгэн гэмтэл шарх аваагүй гэнэ. Н.Дэлгэр