Украины нутаг дэвсгэр даяар агаарын түгшүүр зарлажээ. Агаараас эсэргүүцэн хамгаалах системүүд ажиллаж эхэлсэн талаар Киев хотын эрх баригчид мэдэгдсэнийг Коммерсант агентлаг дамжуулсан байна. 

Эх сурвалжийн мэдээлснээр, тавдугаар сарын 28-ны шөнөөс эхлэн Украины олон бүс нутагт агаарын түгшүүр зарласан бол шөнийн 03:00 цаг орчимд Украин даяар түгшүүр зарлажээ. Одесс, Киев, Винницк, Полтав, Черкасс мужуудад дэлбэрэлт болсон талаар орон нутгийн эрх баригчид мэдээлсэн байна. 

Үүнээс өмнө, ням гарагт шилжих шөнө Украины нийслэл Киев хот дроны халдлагад өртсөн бөгөөд хотын эрх баригчид энэ халдлагыг дайн эхэлснээс хойших хамгийн өргөн цар хүрээтэй халдлага байсан гэж мэдэгджээ. Украины Ерөнхий штабын мэдэгдсэнээр ням гарагт шилжих шөнө ОХУ Украины эсрэг 59 дрон ашигласан байна. Эдгээр нь бүгд Иранд үйлдвэрлэсэн, Шахед цохилтын дрон байсан бөгөөд 59 дрон халдсанаас 58-ыг нь амдан устгасан гэж Украины Зэвсэгт хүчин мэдээлжээ. 

Г.Бямбасүрэн