Хятадын нэгэн төрийн байгууллага ажилтан эмэгтэйчүүдээ нэг дор биш, харин ээлж ээлжээр жирэмсний амралт авахыг уриалсан мэдээлэл гарч, энэ нь олон нийтийн зүгээс ихээхэн шүүмжлэлтэй тулгарсан гэж  South China Morning Post сонин мэдээлжээ.

Эх сурвалжийн мэдээлснээр, Хятадын төрийн байгууллагад ажилладаг ажилладаг гурван эмэгтэй гурвуулаа нэг ижил үед жирэмслэхээр төлөвлөсөн гэнэ. Энэ талаар олж мэдсэн удирдлага нь эмэгтэйчүүдтэй ярилцжээ. Ингээд байгууллагын ажилд хүндрэл учруулахгүйн тулд ээлж ээлжээр жирэмслэх ёстой гэж удирдлага нь мэдэгдсэн байна. 

Төрийн байгууллагын гурван ажилтан эмэгтэйн нэг нь 28 настай, саяхан гэрлэсэн, хуримаа хийсний дараа яаравчлан жирэмсэн болохоор төлөвлөсөн байж. Тэрбээр 2023 онд ажилд орсон ч жирэмслэх төлөвлөгөөгөө хойшлуулаагүй гэнэ. Харин нөгөө хоёр эмэгтэй нь 37 настай, нэг нь саяхан гэрлэсэн, аль болох хурдан хүүхэдтэй болохыг хүсэж байгаа бол гурав дахь эмэгтэй нь хоёр дахь хүүхдээ гаргаж, амаржсаны амралт авахаар төлөвлөжээ. 

Ингээд тэднийг удирдлага нь дуудаж уулзан, жирэмслэлтийн талаар нь ярих болсонд гурван эмэгтэй ихэд гайхсан гэнэ. Үүний дараа 28 настай эмэгтэй олон нийтийн сүлжээнд энэ талаар бичсэнээр төрийн байгууллагын энэ шаардлага ил болж, олон нийтийн зүгээс ихээхэн шүүмжлэлд өртөн, хүмүүс "төрийн зүгээс төрөлтийг нэмэгдүүлэх бодлого баримталж байхад ийм шаардлага тавих нь зүй бус хэрэг" хэмээн буруутгажээ.

Г.Бямбасүрэн