Монгол Улсын Засгийн газраас музейн стандарт шаардлагад бүрэн нийцсэн Азид томоохон тооцогдох орчин цагийн Байгалийн түүхийн музей барих шийдвэр гарсан. Тэгвэл музейн барилгын ажлыг энэ онд эхлүүлэхээр болсон байна. Төсвийн жил эхлээд дундаа орж байгаа ч одоогоор тус музейг барих аж ахуйн нэгж тодроогүй байна. 

Иймээс Төрийн худалдан авах ажиллагааны газраас нийслэлийн Хан-Уул дүүрэг баригдах Байгалийн түүхийн музейг барих ажлыг тендерийг дахин зарлажээ. Өмнө нь өнгөрсөн хавар буюу дөрөвдүгээр сард Байгалийн түүхийн музейг барих ажлыг эхлүүлэх тендерийг зарласан байв. Гэвч өнөөдрийг хүртэл энэ ажлыг гүйцэтгэх аж ахуйн нэг тодроогүй бололтой ТЕНДЕРИЙГ дахин зарласан байна. Байгалийн түүхийн музейг барих нийт төсөвт өртөг 138 тэрбум төгрөг бөгөөд энэ онд үүнээс 29 тэрбум төгрөгийг санхүүжүүлэхээр төлөвлөсөн байв. Улсын төсвийн хөрөнгөөр хийгдэх энэхүү ажлын захиалагч нь Соёлын яам. 

Байгалийн түүхийн музейг Их тэнгэрийн аманд барих бөгөөд  6,6 га газарт 39000 м2 талбай бүхий барилгын ажлыг ийнхүү эхлүүлэхээр төлөвлөжээ.