Дуу цахилгаантай аадар бороо орно
Өнөө шөнө Хөвсгөлийн зүүн, Архангай, Баянхонгорын нутаг, маргааш өдөр Өвөрхангай, Булган, Төв, Сэлэнгийн нутгаар ахиухан хэмжээний бороо орно.
Цаг уур, орчны шинжилгээний газраас өнөө шөнө буюу 15-16-нд шилжих шөнө баруун аймгуудын нутгийн зүүн, төвийн аймгуудын нутгийн баруун хэсгээр, 16-ны өдөр Улаанбаатар хотод усархаг, дуу цахилгаантай аадар бороо гэж мэдээлж байна.
Иймд нийслэлийн Онцгой байдлын газраас болзошгүй үер, усны аюулаас урьдчилан сэргийлж, аюулгүй байдлаа ханган
-
Үерийн аюулаас гэр орон, эд хөрөнгө, ундны усны нөөц худгаа хамгаалах далан, суваг, шуудуу, хашлага барих
-
Хүүхдийг гол мөрөн, нуур, тогтоол ус, цөөрмийн ойролцоо тоглуулахгүй байх, өндөр насан, хөгжлийн бэрхшээлтэй иргэдийн аюулгүй байдлыг хангах
-
Гол, мөрөн нуурын ойролцоо амарч зугаалахдаа сонор, сэрэмжтэй байж, уулын ам, голын ай сав, үерийн буулт бүхий газарт отоглож, хоноглохгүй байх
-
Зөвхөн баталгаат зам гүүрээр зорчихыг зөвлөж байна.
СЭТГЭГДЭЛ БИЧИХ